Казакстанда «7-20-25» ипотекасына 2027-жылга 100 миллиард теңге лимит бекитилди

Казакстандын Улуттук банкы «7-20-25» ипотека программасы боюнча 2027-жылга каржылоо көлөмүн 100 миллиард теңге өлчөмүндө бекитти. Тиешелүү токтомду Улуттук банк кабыл алды. Казакстандын туруктуулук фонду (КТФ) кварталдык каржылоо көлөмү 25 миллиард теңгеден ашпай тургандыгын билдирди.

Фонд программанын оператору болуп саналат. Банктер «7-20-25» программасы боюнча жеңилдетилген кредиттерди өздөрү берет, ал эми КТФ белгиленген лимит чегинде ушул карыздар боюнча талап кылуу укугун алардан сатып алат.

«7-20-25» ипотека программасы 2018-жылы ишке киргизилген жана турак жайы жок казакстандыктарга ыңгайлуу шарттарда кредит алууга мүмкүнчүлүк берген биринчи жеңилдетилген программа болгон. Кредиттин пайызы 7 пайыз, баштапкы төлөм 20 пайыздан башталат, карыз мөөнөтү 25 жылга чейин. Кыймылсыз мүлктүн чектик наркы Астана, Алматы (шаар четиндеги аймактарды кошо алганда), Актау, Атырау жана Шымкент үчүн 30 миллион теңге, Карагандя үчүн 25 миллион теңге, башка аймактар үчүн 20 миллион теңге. Программа 2029-жылга чейин колдонууда болот жана жалаң биринчи рынокто үй сатып алууга багытталган.