Özbegistanda energiýa tygşytlaýjy parniklere elektrik çykdajysynyň 50 göterimi tölenýär

Özbegistanda energiýa tygşytlaýjy tehnologiýalary ulanýan parnik hojalyklaryna elektrik energiýasy çykdajylarynyň bir bölegi tölenýär. Prezidentiň degişli kararyna görä, 2026-njy ýylyň 1-noýabrynyndan 2030-njy ýylyň 1-aprelinä çenli oktýabr–mart aýlarynda sarp edilen elektrik energiýasynyň bahasynyň 50 göterimi möçberinde subsidiýa berilýär. Bu subsidiýa ýylylygy saklaýan örtük bilen örtülen ýa-da energiýa taýdan netijeli “ýaşyl” ýyladyş enjamlaryny ulanýan parniklere degişlidir.

Karar salgyt ýeňilliklerini hem göz öňünde tutýar. Oba hojalyk önüm öndürijileri üçin goşulan baha salgydynyň we oba hojalygy hem balykçylyk kärhanalarynyň öz önümini satmakdan alan peýdasyna salgydyň stawkasy nol göterim edilip bellenildi. Parnikden girdejisi umumy girdejisiniň azyndan 60 göterimini düzýän hojalyklar üçin 2026–2029-njy ýyllarda sosial salgyt stawkasy 1 göterim edilip kesgitlenildi.

Taşkent sebitiniň Taşkent, Zangiota, Kibray, Ýangiýol we Ýokary Çirçik etraplarynda şahsy howlulardaky parniklere energiýa tygşytlaýjy enjamlar üçin çykdajylaryň 40 göterimi, ýöne 100 mln somdan geçmeýän bölegi birlik subsidiýa hökmünde töleniler. Şeýle hem Taşkent sebitiniň 50 mahallasynda her maşgala 200 mln somçä çenli subsidiýa bölünmegi göz öňünde tutulýar.