Россияда ооруган баланы багууга берилүүчү акы төлөнүүчү «больничный» 30 күнгө узартылат

Россия Өкмөтү ооруган баланы багуу үчүн ата-энелерге берилүүчү акы төлөнүүчү «больничный» мөөнөтүн жылына 30 күнгө көбөйтөрүн билдирди. Бул тууралуу Премьер-министр Михаил Мишустин Министрлер Кабинетинин жыйынында жарыялады. Маалыматты РИА Новости агенттиги таратты.

Учурда ата-энелерге баланын ооруусуна жана жашына жараша жылына 45тен 120 күнгө чейин акы төлөнүүчү «больничный» берилет. Мишустиндин айтымында, айрым учурларда баланын толук айыгышы үчүн көбүрөк убакыт керек болот, ал тургай эң узак мөөнөт да жетпеши мүмкүн. Ушундай учурларда убактылуу эмгекке жөндөмсүздүк боюнча төлөмдөр токтотулгандыктан, ата-энелер жумушка кайтууга аргасыз болот.

Петтерди колдоо максатында Өкмөт белгиленген ар бир мөөнөттү жылына 30 күнгө узартат. Убактылуу эмгекке жөндөмсүздүк боюнча төлөмдөр да ошол эле мөөнөткө узартылат.