Özbegistanda banklar we notariuslar elektron resminamalary kabul eder

Özbegistanda käbir hyzmatlary almakda raýatlar kagyz nusgalary ornuna resminamalaryň elektron görnüşlerini görkezip bilerler. Muny Adalat ministrligi habar berdi. Degişli departament resminamalary 20-nji oktýabrda hasaba alyndy we olara esaslanyp 33 departament resminamasyna üýtgetmeler we goşmaçalar girizildi.

Biometrik pasportyň, ID-kartyň, dogluş we nikah şahadatnamalarynyň, pensiýa şahadatnamasynyň, maýyplyk baradaky maglumatnamanyň, uruş gatnaşyjysynyň şahadatnamalarynyň we talyp şahadatnamasynyň elektron görnüşlerini my.gov.uz portaly we Ijtimoiy karta mobil programmasy arkaly görkezmek mümkin bolar. Elektron resminamalar bank hyzmatlarynda we käbir maliýe operasiýalarynda şahsyýeti tassyklamakda, notarial hereketlerde, içerki awiareýslere hasaba alynanda, uruş gatnaşyjylaryna kompensasiýa tölenende we telekommunikasiýa hyzmatlary şertnamalaryny baglaşanda kabul ediler.

Şeýle hem gan we onuň komponentlerini berýän donorlaryň şahsyýetini tassyklamakda, lombardlar bilen şertnamalary baglaşanda, sosial-lukmançylyk edaralarynda tölegli hyzmatlary almakda we harby hasaba durmakda ulanylar. Elektron resminamalar başga birnäçe hyzmatlary almakda hem ulanyp bilner.