Өзбекстанда банктер мен нотариустар электрондық құжаттарды қабылдайтын болады

Өзбекстанда бірқатар қызметтерді алу кезінде азаматтар қағаз көшірмелердің орнына құжаттардың электрондық нұсқаларын ұсына алады. Бұл туралы Әділет министрлігі хабарлады. Тиісті ведомстволық құжаттар 20 қазанда тіркелген, соның негізінде 33 ведомстволық құжатқа өзгерістер мен толықтырулар енгізілген.

Биометриялық паспорттың, ID-картаның, туу және неке куәліктерінің, зейнетақы куәлігінің, мүгедектік туралы анықтаманың, соғыс қатысушысының куәліктерінің және студент куәлігінің электрондық нұсқаларын my.gov.uz порталы және «Ижтимоий карта» мобильді қосымшасы арқылы ұсынуға болады. Электрондық құжаттар банк қызметтері мен кейбір қаржы операцияларында жеке басты растауда, нотариалдық әрекеттерде, ішкі әуе рейстеріне тіркелгенде, соғыс қатысушыларына өтемақы төлегенде және телекоммуникация қызметтеріне шарт жасағанда қабылданады.

Сонымен қатар қан және оның компоненттерін тапсыратын донорлардың жеке басын растауда, ломбардтармен шарттар жасағанда, әлеуметтік-медициналық мекемелерде ақылы қызметтер алғанда және әскери есепке қойғанда пайдаланылады. Электрондық құжаттарды басқа да бірқатар қызметтерді алу кезінде қолдануға болады.