Tramp G20 sammitinde Kasym-Žomart Tokaýew bilen duşuşar

ABŞ-nyň prezidenti Donald Tramp dekabr aýynda geçiriljek G20 sammitinde Gazagystanyň prezidenti Kasym-Žomart Tokaýew bilen duşuşmagy planlaşdyrýandygyny habar berdi. Tramp muny Gazagystanyň Respublika güni mynasybetli iberen gutlag telegrammasynda aýtdy. Telegrammanyň doly teksti Akorda tarapyndan çap edildi.

Trampyň sözlerine görä, geçen ýyl iki ýurt halkara parahatçylyk we howpsuzlyk ugrundaky hyzmatdaşlygyndan tutup iki tarap üçin peýdaly söwda ylalaşyklaryna çenli gatnaşyklaryny ösdürdi. Ol 1991-nji ýylda ABŞ-nyň Gazagystany halkara meýdanda garaşsyz döwlet hökmünde ilkinji bolup ykrar edendigini ýatlatdy. Waşington Gazagystanyň garaşsyzlygyna, egemenligine we ýer bitewiligine berk wepalydygyny nygtady. Tramp, şeýle hem, amerikan kompaniýalarynyň Gazagystanyň ykdysady üstünliklerinde möhüm rol oýnandygyny belledi.

Tramp ýurtlaryň arasyndaky berkeýän dostlugyň onlarlap ýyllap somut netijeler berjekdigine ynanýandygyny aýtdy we G20 sammitinde Tokaýew bilen duşuşmagy sabyrsyzlyk bilen garaşýandygyny belledi. Şol bir wagtda Wladimir Putin, Si Szinpin, Şawkat Mirziýoýew, Sadyr Žaparow, Emomali Rahmon, Recep Tayyp Erdogan we Ilham Aliýew ýaly ýolbaşçylar hem Tokaýewe we Gazagystan halkyna gutlaglaryny iberdiler.