Трамп G20 саммитінде Қасым-Жомарт Тоқаевпен кездесетінін айтты

АҚШ президенті Дональд Трамп желтоқсандағы G20 саммитінде Қазақстан Президенті Қасым-Жомарт Тоқаевпен кездесетінін жариялады. Ол мұны Қазақстан Республикасы Күнімен байланысты жолдаған құттықтау телеграммасында мәлімдеді. Телеграмманың толық мәтінін Ақорда жариялады.

Трамптың айтуынша, өткен жыл ішінде Қазақстан мен АҚШ халықаралық бейбітшілік пен қауіпсіздік саласындағы ынтымақтастықтан бастап, екі елге де пайда әкелетін маңызды коммерциялық келісімдерге дейін серіктестігін тереңдетті. Ол 1991 жылы АҚШ халықаралық аренада Қазақстанды егемен мемлекет ретінде алғаш тану елі болғанын еске салды. Трамп Америка Құрама Штаттарының Қазақстанның тәуелсіздігіне, егемендігі мен аумақтық тұтастығына берілгендігі өзгермейтінін айтты. Сонымен қатар ол американдық компаниялардың Қазақстанның экономикалық табыстарындағы рөлін атап өтті.

Трамп елдер арасындағы нығайып келе жатқан достықтың көп жылдар бойы айқын нәтиже беретініне сенім білдіріп, G20 саммитінде Тоқаевпен кездесуді асыға күтетінін жазды. Сонымен бірге Владимир Путин, Си Цзиньпин, Шавкат Мирзиёев, Садыр Жапаров, Эмомали Рахмон, Сердар Бердімұхамедов, Режеп Тайып Ердоған, Ильхам Әлиев және Эммануэль Макрон да құттықтау жолдады.