Tramp G20 sammitində Qasım-Comart Tokayevlə görüş keçirəcək

ABŞ prezidenti Donald Tramp, dekabr ayında keçiriləcək G20 sammitində Qazaxıstan prezidenti Qasım-Comart Tokayevlə görüşəcəyini açıqladı. Tramp bunu Qazaxıstanın Respublika Günü münasibətilə göndərdiyi təbrik teleqramında bildirdi. Teleqramın tam mətnini Akorda yayımladı.

Trampın sözlərinə görə, son bir ildə iki ölkə beynəlxalq sülh və təhlükəsizlik sahəsindəki əməkdaşlıqdan tutmuş əhəmiyyətli kommersiya sazişlərinə qədər əlaqələrini dərinləşdirib. O, 1991-ci ildə ABŞ-ın Qazaxıstanı beynəlxalq arenada suveren dövlət kimi ilk tanıyan ölkə olduğunu xatırlatdı. Vaşinqtonun Qazaxıstanın müstəqilliyinə, suverenliyinə və ərazi bütövlüyünə bağlılığının dəyişmədiyini vurğuladı. Tramp həmçinin Amerika şirkətlərinin Qazaxıstanın iqtisadi uğurlarında rol oynadığını qeyd etdi.

Tramp ölkələr arasında güclənən dostluğun onilliklər boyu real nəticələr verəcəyinə inandığını bildirdi və G20 sammitində Tokayevlə görüşməyi səbirsizliklə gözlədiyini dedi. Eyni zamanda Vladimir Putin, Şi Tszinpin, Şavkat Mirziyoyev, Sadır Japarov, Emomali Rəhmon, Rəcəb Tayyib Ərdoğan və İlham Əliyev kimi liderlər Tokayevə və Qazaxıstan xalqına təbriklər göndərdi.