Russiýa: 2027-nji ýyldan banklar depozit göterimlerinden salgydy awtomatiki tutup biler

Russiýanyň Döwlet Dumasy 29-njy oktýabrda depozit girdejilerine salgyt salyş tertibini üýtgedýän kanun taslamasyny birinji okalyşda kabul etdi. Resminama ähli basgançaklardan geçse, 2027-nji ýyldan kredit guramalary göterim tölänlerinde fiziki şahslaryň girdejä salgydyny (NDFL) özleri hasaplap tutar. Häzirki wagtda ýyllyk salgydy Federal salgyt gullugy (FNS) kesgitleýär we raýatlar bildirişi alandan soň töleýärler.

Maliýe ministrliginiň meýilnamasyna görä, salgyt stawkasy girdejiniň çeşmesine däl-de, umumy girdejiniň möçberine bagly bolar. Depozit göterimleri aýlyk we beýleki girdejiler bilen goşulyp, 13%-den 22%-e çenli bäş basgançakly şkala boýunça salgyt salnar. Tutulanda banklar salgyt salynmaýan çägi göz öňünde tutup, möçberi ýylyň başyndan jemleýji esasda hasaplarlar. Salgyt salynmaýan möçber Russiýanyň Merkezi bankynyň geçen ýyldaky iň ýokary esasy stawkasy boýunça kesgitlenmegi göz öňünde tutulýar.

Üýtgeşmeleriň güýje girmegi üçin kanun taslamasy galan okalyşlardan geçmelidir. Indiki seljerme 19-njy noýabra bellenildi.