Ресей: 2027 жылдан банктер депозит пайызынан НДФЛ-ді автоматты түрде ұстап қалуы мүмкін

Ресей Мемлекеттік Думасы 29 қазанда депозит кірістеріне салық салу тәртібін өзгертетін заң жобасын бірінші оқылымда қабылдады. Құжат барлық кезеңнен өтсе, 2027 жылдан бастап кредит ұйымдары пайыз төлеген кезде жеке тұлғалардың табыс салығын (НДФЛ) өз бетінше есептеп, ұстап қалады. Қазір жылдық салықты Федералды салық қызметі (ФНС) анықтайды, ал азаматтар хабарлама алғаннан кейін төлейді.

Қаржы министрлігінің жоспарына сәйкес, салық мөлшерлемесі кіріс көзіне емес, жалпы кіріс көлеміне байланысты болады. Депозит пайыздары жалақы және басқа түсімдермен қосылып, 13%-дан 22%-ға дейінгі бес сатылы шкала бойынша салық салынады. Ұстап қалу кезінде банктер салық салынбайтын шекті ескеріп, соманы жыл басынан бастап жинақтай есептейді. Салық салынбайтын сома өткен жылдағы Ресей Орталық банкінің ең жоғары негізгі мөлшерлемесі бойынша анықталуы жоспарланған.

Өзгерістер күшіне енуі үшін заң жобасы қалған оқылымдардан өтуі тиіс. Келесі қарау 19 қарашаға белгіленген.