Oʻzbekistonda 2027-yildan birlamchi tibbiy yordam yana 15 tumanga kengaytiriladi

Bu haqda «Dunyo» axborot agentligi Azzaman nashrida eʼlon qilingan maqolaga tayanib xabar berdi. Maqolada qayd etilishicha, ushbu choralar prezident Shavkat Mirziyoyevning sogʻliqni saqlash va farmatsevtika sohasi vakillari bilan uchrashuvida maʼlum qilingan.

Oʻzgarishlar aholiga birlamchi tibbiy-sanitariya yordamini kengaytirish, kasalliklarni erta aniqlash va davolash bilan bogʻliq xarajatlarni kamaytirishga qaratilgan. Oilaviy poliklinikalar faoliyati takomillashtiriladi, yangi laboratoriyalar tashkil etiladi, shifokor va hamshiralarning malakasini oshirish ham koʻzda tutilgan. 2027-yil davomida yangi tizim yana 15 ta tumanda joriy etish rejalashtirilmoqda.

Saraton va yurak-qon tomir kasalliklarini erta aniqlash dasturlari ham kengaytiriladi. Bu orqali kasalliklar tufayli yuzaga keladigan erta oʻlim holatlarini 15 foizga kamaytirish maqsad qilingan. Dasturni amalga oshirish uchun 200 milliard soʻm ajratiladi.

Sogʻliqni saqlash tizimida «Davolashdan profilaktikaga» tamoyili keng joriy etiladi, tibbiyot muassasalarida xizmat koʻrsatish sifati va bemorlar xavfsizligi yaxshilanadi. Tibbiyot xodimlarini ragʻbatlantirish uchun «Eng yaxshi shifokor» va «Eng yaxshi hamshira» tanlovlari tashkil etiladi. Gʻoliblarga 100 million soʻm miqdorida pul mukofotlari beriladi, 2027-yilda esa viloyat bosqichi gʻoliblari elektromobillar bilan taqdirlanishi rejalashtirilgan.