Ozarbayjonda 2027-yil davlat byudjetida bir qator ijtimoiy toʻlovlar oshirilishi kutilmoqda

Ozarbayjonda 2027-yil uchun davlat byudjeti loyihasiga koʻra bir qator ijtimoiy toʻlovlar oshirilishi kutilmoqda. Day.az Trend maʼlumotiga tayanib xabar berganidek, Milliy Majlisning iqtisodiy siyosat, sanoat va tadbirkorlik qoʻmitasida koʻrib chiqilayotgan 2027-yil davlat byudjeti toʻgʻrisidagi qonun loyihasida majburiy davlat ijtimoiy sugʻurtasi badallari hisobidan nafaqalarga 280 million 630 ming manat ajratish rejalashtirilgan. Bu summa tasdiqlangan 2026-yil prognozidan 77 million 60 ming manat, yaʼni 37,85 foizga koʻp.

Loyihaga koʻra, 2027-yilda 3 yoshgacha boʻlgan bolani parvarish qilish nafaqasini oluvchilar soni 24 870 nafar boʻlishi kutilmoqda. Bu maqsadlar uchun 21 million 388 ming 148 manat ajratilgan, bir kishi uchun oylik nafaqa miqdori 100 manat boʻladi. Homiladorlik va tugʻruq nafaqasiga 77 million 340 ming 781 manat ajratish rejalashtirilgan va uni 19 599 nafar kishi olishi prognoz qilinmoqda.

Shuningdek, 2027-yilda bola tugʻilganda beriladigan bir martalik nafaqa 600 manatdan 1 500 manatga oshirilishi rejalashtirilgan. Bu 900 manat yoki 2,5 barobar oshishni anglatadi. Dafn nafakalari ham oshiriladi: sugʻurtalangan shaxs uchun 590 manatdan 700 manatga, pensioner uchun 946 manatdan 1 200 manatga.