Oʻzbekiston: Mirziyoyev mustaqillikning 35 yilligida Vatan himoyasi haqida gapirdi

Oʻzbekiston Respublikasi Prezidenti va Qurolli Kuchlar Oliy Bosh qoʻmondoni Shavkat Mirziyoyev rahbarligida mamlakat taraqqiyotning yangi, yuksak bosqichi, yaʼni Yangi Oʻzbekiston davrini boshdan kechirmoqda.

Davlat rahbari Oʻzbekiston davlat mustaqilligining 35 yilligiga bagʻishlangan tantanali marosimdagi nutqida buyuk tarixiy yoʻlimiz, erishilgan ulkan yutuqlar va kelgusi oʻn yillikning milliy yuksalish dasturlariga alohida toʻxtalib oʻtdi. Bu maʼruza Vatan taqdirini oʻylaydigan, el uchun qaygʻuradigan fidoyi yurtdoshlarimizga, jamiyat uchun milliy oʻzlikni anglash va kelajakka mustahkam poydevor qoʻyishga qaratilgan maʼnaviy-maʼrifiy yoʻl-yoʻriq boʻldi.