Qozogʻistonning davlat qarzi 38,5 trillion tengega yetdi

Qozogʻistonning davlat qarzi 38,5 trillion tenge, yoki YaIMning 20,9 foiziga yetdi. Moliya vaziri Madi Takiyev bu raqamlarni Kurultoy majlisida, 2027–2029-yillar byudjet loyihasi muhokama qilinayotganda eʼlon qildi. Tashqi qarz 8,4 trillion tenge, yoki YaIMning 4,5 foizini tashkil etadi.

Takiyevning aytishicha, hukumat avvalgi kreditlarni qulayroq shartlarda yangi mablagʻlar jalb qilish orqali refinansirlamoqda. U joriy yilda Xitoyda 1,82 foiz yillik stavka bilan 1,5 milliard dollar jalb qilinganini va uning yillik xizmat koʻrsatish xarajati 12,7 milliard tengeni tashkil etishini aytdi. Xuddi shu miqdorni ichki bozordan jalb qilish esa yiliga 113 milliard tengedan ortiq xarajat talab qilardi.

Vazir, shuningdek, 2015-yilda 5,5 foiz, oʻtgan yili 4,4 foiz bilan chiqarilgan yevroobligatsiyalarga toʻxtalib, bu yiliga taxminan 60 million dollar tejash imkonini berganini taʼkidladi. Takiyevning soʻzlariga koʻra, qarz chegarasi YaIMning 32 foizi, xalqaro ekspertlar esa qarz yukini past deb baholaydi.