Ozarbayjon 2027-yil byudjetida tugʻruq nafaqasi 1500 manatga oshiriladi

Ozarbayjonning 2027-yil davlat byudjeti loyihasiga koʻra, bir qator ijtimoiy nafaqa va toʻlovlar miqdori oshirilishi rejalashtirilgan. Day.Az Xazar TV maʼlumotiga tayanib xabar berdi. Loyihaga muvofiq, bola tugʻilishi munosabati bilan toʻlanadigan nafaqa miqdori keskin oshishi prognoz qilinmoqda. 2026-yilda yangi tugʻilgan bolaga bir martalik 600 manat toʻlangan boʻlsa, keyingi yildan bu summa 900 manatga oshirilib, 1500 manat boʻladi.

Moliya vaziri Sohil Boboyev, 2027-yil davlat byudjetida ijtimoiy himoya va ijtimoiy taʼminotga ajratilgan mablagʻ aholi farovonligini yaxshilashga qaratilganini bildirdi. Uch yoshgacha boʻlgan bolasi bor sugʻurtalangan onalarga ham har oy 100 manat toʻlanadi. Ilgari bu summa 37 manat 58 tiyin edi.

Pensionerlar uchun dafn pulining oʻrtacha miqdori 946 manatdan 1200 manatga, sugʻurtalanganlar uchun esa 590 manatdan 700 manatga yetkazilishi prognoz qilinmoqda. 20 yil va undan ortiq xizmat qilgan hamda zaxirada boʻlgan harbiy xizmatchilarni uy-joy bilan taʼminlash uchun 15 million manat ajratilgan.