Qozogʻiston Prezidenti Tokayev Iordaniya qiroli bilan uchrashdi

Qozogʻiston Prezidenti Qosim-Jomart Toqayev Iordaniya qiroli II Abdulla ibn al-Husayn bilan muzokara oʻtkazdi. Qirol Qozogʻistonga rasmiy tashrif bilan bugun kelgan, Toqayev uni aeroportda kutib olgan. Prezident matbuot xizmatiga tayanib Egemen Qazaqstan xabar berishicha, uchrashuvda ikki davlat oʻrtasidagi mustahkam doʻstlik va oʻzaro hurmat taʼkidlangan.

Toqayev Iordaniyani arab dunyosidagi ishonchli hamkor deb atadi. Soʻnggi yillarda aloqalar jadal rivojlanmoqda: oʻtgan yili rahbarlar oʻzaro tashrif buyurdi, qoʻshma bayonot qabul qilindi va vazirliklar, idoralar hamda biznes vakillari oʻrtasida koʻplab hujjatlar imzolandi. Toqayev iqtisodiy hamkorlik ikki tomonlama munosabatlarning asosiy harakatlantiruvchi kuchi boʻlib qolishini taʼkidladi.

Toqayev, shuningdek, qirol tashabbusi bilan boshlangan Aqaba jarayoni doirasidagi uchrashuvlarga toʻxtalib, Qozogʻiston Markaziy Osiyoda birinchi marta bunday formatdagi tadbir tashkilotchilaridan biri sifatida ishtirok etayotganini aytdi. Qirol esa savdo, investitsiya, turizm, texnologiya va mudofaa sohalarida hamkorlikni kengaytirish niyatida ekanini bildirdi hamda mintaqaviy xavfsizlik va terrorizm hamda ekstremizmga qarshi kurashda Qozogʻiston bilan hamkorlikni oshirishdan manfaatdor ekanini tasdiqladi.