Qazaxıstan prezidenti Tokayev Ürdün kralı ilə görüşdü

Qazaxıstan prezidenti Qasım-Comart Tokayev Ürdün kralı II Abdulla bin əl-Hüseyin ilə görüşdü. Kral Qazaxıstana rəsmi səfərlə bu gün gəlib və Tokayev onu hava limanında qarşılayıb. Prezident mətbuat xidmətinə istinadən Egemen Qazaqstan xəbər verir ki, görüşdə iki ölkə arasındakı möhkəm dostluq və qarşılıqlı hörmət vurğulanıb.

Tokayev Ürdünü ərəb dünyasında etibarlı tərəfdaş adlandırıb. Son illərdə ikitərəfli əlaqələr sürətlə inkişaf edib, keçən il liderlər qarşılıqlı səfərlər edib, birgə bəyanat qəbul olunub və nazirliklər, qurumlar və biznes dairələri arasında çoxlu sənəd imzalanıb. Tokayev iqtisadi əməkdaşlığın əlaqələrin əsas hərəkətverici qüvvəsi olaraq qalacağını bildirib.

Tokayev həmçinin Kralın təşəbbüsü ilə başlanmış Əqəbə prosesi çərçivəsində görüşlərə toxunub və Qazaxıstanın Mərkəzi Asiyada ilk dəfə belə formatda təşkilatçılardan biri kimi iştirak etdiyini qeyd edib. Kral isə ticarət, investisiya, turizm, texnologiya və müdafiə sahələrində əməkdaşlığı genişləndirmək niyyətində olduğunu deyib və regional təhlükəsizlik, terrorizm və ekstremizmlə mübarizədə Qazaxıstanla əməkdaşlığı artırmaqda maraqlı olduğunu təsdiqləyib.