Oʻzbekistonda Konstitutsiyaviy sud toʻgʻrisida yangi qonun qabul qilindi

Oʻzbekistonda “Oʻzbekiston Respublikasi Konstitutsiyaviy sudi toʻgʻrisida”gi yangi konstitutsiyaviy qonun qabul qilindi. UzDaily xabar berishicha, 2026-yil 14-oktabrda qabul qilingan ZRU-1181-sonli hujjat sudning vakolatlarini, sudyalarni saylash tartibini va qarorlarning kuchga kirish tartibini belgilaydi. Bu haqda “Huquqiy axborot” kanali xabar qildi.

Qonunga koʻra, sud qonunlar, Oliy Majlis palatalari qarorlari, prezident farmonlari va qarorlari, hukumat qarorlari hamda mahalliy davlat hokimiyati organlarining hujjatlari Konstitutsiyaga muvofiqligini tekshiradi. Shuningdek, Qoraqalpogʻiston qonunlarining Oʻzbekiston qonunlariga muvofiqligini tekshiradi, Oliy sud tashabbusi bilan kelib tushgan murojaatlarni koʻradi hamda Konstitutsiya va qonunlarni talqin qilish vakolatiga ega boʻladi.

Sudyalar oʻn yil muddatga, har biri alohida saylanadi. Sud raisi va rais oʻrinbosarini oʻz ichiga olgan toʻqqiz sudyadan iborat boʻladi. Qonun rasmiy eʼlon qilingan kunidan kuchga kiradi, biroq 29-modda, 58-moddaning ikkinchi qismi va 59-modda 2028-yil 1-yanvardan kuchga kiradi.