Tahlilchilar Qozogʻistonda 2026 yil inflyatsiya prognozini 9,5%ga tushirdi

Qozogʻiston Milliy banki makroiqtisodiy soʻroviga qatnashgan tahlilchilar 2026 yilda mamlakatda inflyatsiya 9,5% darajasida boʻlishini kutmoqda. Ular avgust oyida bu koʻrsatkichni 10% deb prognoz qilgan edi. Oktyabr oyidagi soʻrov natijalariga koʻra, keyingi ikki yil boʻyicha kutilmalar ham pasaygan.

2027 yil uchun inflyatsiya prognozi 8,5%dan 8,3%ga, 2028 yil uchun prognoz esa 7%dan 6,9%ga tushirilgan. Eng sezilarli oʻzgarish joriy yilga tegishli boʻlib, 0,5 foiz bandga pasaygan. Milliy bank barcha prognoz davri boʻyicha inflyatsiya baholari pasaytirilganini bildirdi.

Soʻrovda Qozogʻiston iqtisodiyotini tahlil qilish va prognoz qilish bilan shugʻullanuvchi 14 ta tashkilot ishtirok etdi. Milliy bank chop etilgan baholar bozor ishtirokchilariga tegishli ekanini va regulyatorning oʻz prognozi emasligini taʼkidladi. Sentyabr oyida yillik inflyatsiya avgustdagi 9,8%dan 9,3%ga sekinlashdi.