Ashxobod sunʼiy intellektni tinch maqsadlarda qoʻllash boʻyicha xalqaro kodeks ishlab chiqishni taklif qildi

Turkmaniston Prezidenti Serdar Berdimuhamedov 15 oktyabrda Bakuda boʻlib oʻtgan Osiyoda oʻzaro hamkorlik va ishonch choralari boʻyicha kengashning (CICA) VII sammitida xalqaro munosabatlar va diplomatiyada sunʼiy intellektdan tinch maqsadlarda foydalanish boʻyicha Xalqaro kodeks ishlab chiqishni taklif qildi.

Davlat rahbari xalqaro hamkorlikda raqamli oʻlchovning ortib borayotgan rolini qayd etdi. Uning taʼkidlashicha, sunʼiy intellekt va innovatsion texnologiyalar iqtisodiy oʻsish, davlat boshqaruvi samaradorligi va diplomatik vositalarni yangilash uchun istiqbolli imkoniyatlar ochadi.

Berdimuhamedov, shuningdek, ilgʻor ishlanmalarni joriy etishda huquqiy va axloqiy meʼyorlarga rioya qilish zarurligiga eʼtibor qaratdi. Uning soʻzlariga koʻra, ushbu texnologiyalardan foydalanish xalqaro huquqqa, ishonchga va barcha davlatlar manfaatlarini hisobga olishga asoslangan masʼuliyatli yondashuvni talab qiladi. Turkmaniston bu kodeksni ishlab chiqish tashabbusini ilgari surmoqda.