OTB Ozarbayjonda temir yoʻl va Boku metrosi uchun 652 million dollardan ortiq kredit ajratdi

Osiyo taraqqiyot banki (OTB) Ozarbayjonda temir yoʻl va metro infratuzilmasini modernizatsiya qilish uchun 652 million dollardan ortiq kredit ajratdi. Loyihalar AZCON Holding tarkibidagi "Ozarbayjon temir yoʻllari" (ADY) va "Boku metropoliteni" aksiyadorlik jamiyatlarini qamrab oladi hamda mintaqaviy aloqalarni mustahkamlash va shahar ichidagi harakatchanlikni rivojlantirishga qaratilgan.

Kreditning 350 million AQSh dollari Bilajari–Yalama oraligʻidagi 192 kilometrlik ikki yoʻlli temir yoʻl liniyasini elektrlashtirish, signalizatsiya va telekommunikatsiya tizimlarini oʻrnatishga yoʻnaltirilgan. Bu liniya Shimoliy–Janubiy va Shimoli-Gʻarbiy xalqaro transport yoʻlaklarining asosiy bogʻlanishlaridan biridir. Ishlar yakunlangach, liniya doimiy tokdan oʻzgaruvchan tokka oʻtadi, energiya sarfi, texnik xizmat xarajatlari va issiqxona gazi chiqindilari kamayadi, poyezdlar tezligi esa oshadi.

Osiyo taraqqiyot banki shuningdek, Boku metropolitenida signalizatsiya tizimini modernizatsiya qilish va operatsiyalarni raqamlashtirish uchun 302,38 million AQSh dollari kredit ajratishni tasdiqladi. Moliyalashtirish metro xizmatlarini xavfsizroq, ishonchliroq va samaraliroq qilishga xizmat qiladi hamda hukumatning Boku metropoliteni kengaytirish dasturining bir qismidir.