Eron tashqi ishlar vaziri: Armaniston doʻstlarimizga ishonamiz

Eron tashqi ishlar vaziri Abbos Arogʻchi oktyabrning 16 kuni Yerevanda jurnalistlarga bergan izohida Eronning AQSh ning mintaqada va oʻz atrofida har qanday shaklda mavjudligidan xavotirda ekanini aytdi. U Tehron Armanistonning Eron xavfsizligiga qarshi qadam tashlamasiga ishonishini bildirdi.

Modern.az xabariga koʻra, Arogʻchi bu fikrlarni TRIPP loyihasi va AQShning mintaqadagi mavjudligi haqidagi savolga javob berar ekan bildirdi. Eronning bu masaladagi xavotiri davom etayotgani haqidagi savolga esa u Armaniston bilan bevosita aloqalar mavjudligini taʼkidladi.

«Biz bu masala yuzasidan arman doʻstlarimiz bilan bevosita aloqadamiz. Ularga ishonamiz va ular Eron xavfsizligiga qarshi hech narsa qilmasligini bilamiz», – deb qayd etdi Arogʻchi. U Armaniston tashqi ishlar vaziri Ararat Mirzoyanning Tehronga tashrifi va u yerda oʻtgan muzokaralarni eslatib, Armaniston rasmiylari bilan maslahatlashuvlar davom etayotganini aytdi. Shuningdek, prezidentning bugun Armaniston bosh vaziri bilan uchrashishini va ikki davlat oʻrtasidagi zich aloqalar davom etayotganini qoʻshimcha qildi.