Qozogʻistonda chet el ishchilarini yollash qoidalari qattiqlashtirildi

Qozogʻistonda chet el ishchi kuchini jalb etish boʻyicha yangi qoidalar 2026-yil 17-oktyabrdan kuchga kiradi. Chet el fuqarolarini qonunga xilof ravishda ishga olgan ish beruvchilar bir yil davomida bunday ishchilarni jalb qilish uchun ruxsatnoma ololmaydi. Oʻzgarishlar Mehnat va aholini ijtimoiy himoya qilish vazirligi buyrugʻida nazarda tutilgan.

Hujjat chet el ishchi kuchini jalb qilish uchun yigʻimni toʻlash tartibini ham oʻzgartiradi. Ruxsatnoma bir necha mintaqada amal qilsa, ish beruvchi yigʻimni har bir mintaqa byudjetiga alohida oʻtkazishi kerak. Shuningdek, migratsiya va bandlik sohasida mahalliy ijro etuvchi organlar qarorlari ustidan shikoyatlarni akimat apparati koʻrib chiqish muddati besh ish kunigacha qisqartirildi.

Chet el ishchi kuchini jalb qilish ruxsatnomasini rad etish tartibidan ariza beruvchini dastlabki tinglash chiqarib tashlandi. Oʻzgarishlar mahalliy ijro etuvchi organlarning davlat xizmatlarini koʻrsatish reglamentlariga ham taalluqli.