Azeri Light neft narxi bir barrel uchun 116 dollargacha tushdi

Ozarbayjonning Azeri Light xom neftining jahon bozoridagi narxi 2,78 dollar, yaʼni 2,33 foizga pasayib, bir barrel uchun 116,26 dollarga tushdi. Bu haqda neft bozoridagi manba Report nashriga maʼlum qildi. Savdo natijalariga koʻra, dekabr oyi uchun Brent xom neft fyuchers narxi bir barrel uchun 116,59 dollarda boʻlgan.

Turkiyaning Ceyhan portida FOB asosida bir barrel Azeri Light 3,07 dollarga, yaʼni 2,83 foizga arzonlashib, 105,42 dollarga tushdi. Ozarbayjonning joriy yil davlat byudjeti bir barrel neft oʻrtacha 65 dollar narxiga asoslangan.

Azeri Light eng past narxini — bir barrel uchun 15,81 dollarni — 2020-yil 21-aprelda, eng yuqori narxini — 149,66 dollarni — esa 2008-yil iyul oyida qayd etgan. Xom neft Azeri-Chirag-Gunashli (ACG) blokini ishlab chiqish boʻyicha kelishuv doirasida ishlab chiqariladi; Ozarbayjon Respublikasining Davlat neft kompaniyasi (SOCAR) ushbu kelishuvda 35,3 foiz ulushga ega.