Azeri Light мұнайының бағасы баррельге 116 долларға дейін түсті

Әзербайжанның Azeri Light шикі мұнайының әлемдік нарықтағы бағасы 2,78 доллар, яғни 2,33 пайызға төмендеп, баррельге 116,26 долларға жетті. Бұл туралы мұнай нарығындағы дереккөз Report басылымына хабарлады. Сауда нәтижелері бойынша желтоқсанға арналған Brent шикі мұнай фьючерстерінің бағасы баррельге 116,59 доллар болды.

Түркияның Джейхан портында FOB бағасы бойынша бір баррель Azeri Light 3,07 долларға, яғни 2,83 пайызға арзандап, 105,42 долларға түсті. Әзербайжанның осы жылғы мемлекеттік бюджеті баррель үшін орташа 65 доллар мұнай бағасына негізделген.

Azeri Light ең төмен бағасын, баррельге 15,81 долларды, 2020 жылдың 21 сәуірінде, ал ең жоғары бағасын, 149,66 долларды, 2008 жылдың шілдесінде тіркеген. Шикі мұнай Әзери-Шырағ-Гүнешли (ACG) блогын игеру туралы келісім аясында өндіріледі; Әзербайжан Республикасының Мемлекеттік мұнай компаниясы (SOCAR) осы келісімде 35,3 пайыз үлеске ие.