Tokayev va Xun Manet qoʻshma bayonot qabul qilishdi

Qozogʻiston Prezidenti Qosim-Jomart Toqayev va Kambodja Bosh vaziri Xun Manet muzokaralar yakuni boʻyicha qoʻshma bayonot qabul qilishdi. Egemen.kz xabariga koʻra, maʼlumot Prezident matbuot xizmatiga (Oqorda) tayangan holda berilgan.

Qozogʻiston Prezidenti va Kambodja Bosh vazirining ishtirokida hukumatlararo va idoralararo hujjatlar almashinuvi marosimi oʻtdi. Hujjatlar orasida Qozogʻiston Sunʼiy intellekt va raqamli rivojlanish vazirligi bilan Kambodja Pochta va telekommunikatsiyalar vazirligi oʻrtasidagi oʻzaro tushunish memorandumi, raqamli hukumat, GovTech va axborot-kommunikatsiya texnologiyalari sohalarida hamkorlik memorandumi, shuningdek savdo-iqtisodiy hamkorlik, madaniyat va sanʼat, turizm sohalari boʻyicha vazirliklararo memorandumlar bor.

Shuningdek, Astana va Pnompen shaharlari oʻrtasida birodarlik aloqalarini oʻrnatish toʻgʻrisida memorandum almashildi.