Қасым-Жомарт Тоқаев пен Хун Манет бірлескен мәлімдеме қабылдады

Қасым-Жомарт Тоқаев пен Хун Манет келіссөздер қорытындысы бойынша бірлескен мәлімдеме қабылдады. Бұл туралы Egemen.kz Ақорда баспасөз қызметіне сілтеме жасап хабарлайды.

Қазақстан Президенті мен Камбоджа Премьер-министрінің қатысуымен үкіметаралық және ведомствоаралық құжаттар алмасу рәсімі өтті. Құжаттар арасында Қазақстан Жасанды интеллект және цифрлық даму министрлігі мен Камбоджа Пошта және телекоммуникациялар министрлігі арасындағы өзара түсіністік туралы меморандум; цифрлық үкімет, GovTech және ақпараттық-коммуникациялық технологиялар салалары бойынша ынтымақтастық туралы меморандум; сауда-экономикалық ынтымақтастық, мәдениет пен өнер және туризм салалары бойынша министрліктер арасындағы меморандумдар бар.

Сонымен қатар Астана мен Пномпень қалалары арасында бауырластық байланыс орнату туралы меморандум алмасылды.