Fuzulidagi ikki qishloqqa yil oxirigacha aholi qaytishi taʼminlanadi

Ozarbayjonning Fuzuli tumanidagi Dovlatyarli va Pirahmedli qishloqlariga yil oxirigacha aholining qaytishi taʼminlanadi. Ogʻdam, Fuzuli va Xojavand tumanlarida Tiklash, Qurilish va Boshqaruv xizmatining jamoatchilik bilan aloqalar boʻlimi boshligʻi Tarana Quluyeva bu haqda Trend agentligining Qorabogʻ byurosiga bergan intervyusida maʼlum qildi. U ikkala qishloqda ham tiklash va qurilish ishlari davom etayotganini hamda ishlar yakuniga yetish arafasida ekanini aytdi.

Quluyeva 17-oktabr ham Ozarbayjon davlati, ham fuzuliliklar uchun muhim kun ekanini qayd etdi. Bir necha yildan beri shu kuni Fuzuli shahrining bosqindan ozod etilishi munosabati bilan bir qator tadbirlar oʻtkazilmoqda.

Ozarbayjon Prezidentining Ogʻdam, Fuzuli va Xojavand tumanlaridagi maxsus vakili Emin Huseynov Ozarbayjonning II Xalqaro investitsiya forumi doirasida Trendga bergan intervyusida uchta tumanda aholi sonining yil oxirigacha 25 ming kishiga yetishi kutilayotganini bildirdi. U 2023-yildan beri Fuzuli shahriga 3 ming kishi koʻchirilganini va yil oxirigacha tumanda aholi yana 1 500–1 600 kishiga koʻpayishi prognoz qilinayotganini qoʻshimcha qildi.