IsDB Oʻzbekistonda qishloq xoʻjaligini mexanizatsiyalashga 202 mln dollar ajratadi

Islom taraqqiyot banki (IsDB) va Oʻzbekiston hukumati qishloq xoʻjaligini mexanizatsiyalash loyihasi boʻyicha kelishuvni imzoladi. Loyihaning umumiy qiymati 202 million dollarni tashkil etadi, butun mablagʻni IsDB moliyalashtiradi. Hujjat 2026-yil 15-oktabrda Bangkokda, Jahon banki guruhi va Xalqaro valyuta fondining yillik yigʻilishlari doirasida imzolandi.

Kelishuv IsDB guruhi raisi Muhammad Al-Jasser, Islom savdo-moliya korporatsiyasi (ITFC) bosh direktori Adeb Yusuf Al-Ama va Oʻzbekiston Bosh vazir oʻrinbosari hamda iqtisodiyot va moliya vaziri Jamshid Kuchkarov oʻrtasidagi uchrashuvning asosiy natijasi boʻldi. Loyiha iqlim sharoitiga moslashtirilgan, yuqori samarali zamonaviy qishloq xoʻjaligi texnikasiga kirishni kengaytirishni nazarda tutadi. Amalga oshirilishi qishloq xoʻjaligida mehnat unumdorligini oshirishi va qiymat zanjirlarini qoʻllab-quvvatlashi kutilmoqda.

Uchrashuvda transport, qayta tiklanuvchi energetika, suv resurslarini boshqarish, sogʻliqni saqlash va islom moliyasi kabi boshqa hamkorlik yoʻnalishlari ham muhokama qilindi. Al-Jasser bankning Oʻzbekiston hukumati bilan yaqin hamkorlikni davom ettirishga tayyorligini tasdiqladi.