Uch yil ketma-ket 25 foizdan kam qazib olgan kompaniyalar litsenziyasi bekor qilinishi mumkin

Qirgʻizistonda kompaniya uch yil ketma-ket litsenziyada nazarda tutilgan yillik hajmning 25 foizidan kam yer osti boyligini qazib olsa, yer osti foydalanish litsenziyasi bekor qilinishi mumkin. Bu meʼyor 2026-yil 15-oktabrda Joʻgʻorku Kengashi majlisida muhokama qilindi.

Deputat Ulanbek Jaanbayev bu chegara nima uchun belgilanganini soʻradi. Tabiiy resurslar, ekologiya va texnik nazorat vazirining oʻrinbosari Amantur Tursunyazov qazib olish hajmi va ish jadvalini loyiha ishlab chiqish bosqichida kompaniyalarning oʻzi belgilashini aytdi. U uch yil ketma-ket koʻrsatkich bajarilmasa, litsenziya toʻxtatilishi, ogohlantirish berilishi va uni bekor qilish taklif etilishini bildirdi. Uch yildan birida 25 foiz koʻrsatkichga erishilsa, litsenziya amalda qolishini qoʻshimcha qildi.

Fors-major holatlari tufayli majburiyatlarini bajara olmagan kompaniyalar uchun hujjatlar komissiyada koʻrib chiqilib, muddatlar uzaytirilishi mumkinligi aytildi. Tursunyazov, shuningdek, avval berilgan litsenziyalar, jumladan strategik ahamiyatga ega boʻlishi mumkin boʻlgan uchastkalar boʻyicha, avvalgi shartlarda amal qilishini va bunday litsenziyalardan hech biri olib qoʻyilmaganini taʼkidladi.