Marko Rubio: Oʻzbekiston bilan hamkorlik biz uchun muhim

AQSh Davlat kotibi Marko Rubio Samarqand tashrifi biror inqiroz yoki muammo tufayli emas, balki ikki davlat oʻrtasidagi munosabatlarni rivojlantirish maqsadida amalga oshirilayotganini aytdi. 17–22 oktyabr kunlari davom etadigan tashrif doirasida Rubio C5+1 formatidagi vazirlar uchrashuvida ishtirok etadi hamda Oʻzbekiston rahbariyati bilan muzokaralar oʻtkazadi. Unga hamroh boʻlib Samarqandga 200 dan ortiq biznes vakillaridan iborat AQSh delegatsiyasi keldi.

Rubio Markaziy Osiyoga aynan hozir tashrif buyurish qarorini sanalar mintaqaning besh davlati rahbarlarini toʻplash uchun qulay boʻlgani bilan izohladi. «Bu vaqt bu rahbarlar bilan ishlash uchun mos. Gap faqat Oʻzbekiston haqida emas, balki Markaziy Osiyoning boshqa toʻrt davlati haqida ham bormoqda. Bu yerda muhim munosabatlar mavjud», dedi davlat kotibi uchishdan oldin.

Global inqirozlar tufayli strategik tashriflar koʻpincha kechiktirilishini taʼkidlagan Rubio, Vashingtonning hamkorlar bilan munosabatlarni rivojlantirishga alohida eʼtibor berayotganini bildirdi. «Biz munosabatlarimizni mustahkamlash uchun boradigan davlatlar bor», deya qoʻshimcha qildi u.