Turkmaniston Xitoy xalqaro import koʻrgazmasida milliy pavilon bilan ishtirok etadi

Turkmaniston noyabr oyida Xitoyning Shanxay shahrida oʻtkaziladigan Xitoy xalqaro import koʻrgazmasi (CIIE)da milliy pavilon bilan ishtirok etadi. Bu yoʻnalishdagi ishlar haqida vitse-premyer Nokerguly Atagulyyev shanba kuni raqamli formatda oʻtkazilgan Vazirlar Mahkamasi majlisida maʼruza qildi. Bu haqda Turkmaniston rasmiy OAVʼlari xabar berdi.

Hisobotga koʻra, milliy pavilonda mamlakatda ishlab chiqarilgan va eksportga moʻljallangan keng assortimentdagi mahsulotlar, savdo-iqtisodiy va investitsiya hamkorligi imkoniyatlari hamda turkman xalqining milliy-madaniy merosi namoyish etiladi. Koʻrgazma doirasida turkman-xitoy biznes forumi oʻtkazish rejalashtirilgan; bu taklif davlat rahbariga taqdim etildi.

Hisobotni tinglagan Turkmaniston Prezidenti Serdar Berdimuhamedov xalqaro koʻrgazmalarda ishtirokning milliy mahsulotlarni xorijiy bozorlarda targʻib qilish uchun muhimligini taʼkidladi. U vitse-premyerga Turkmanistonning Xitoy import koʻrgazmasida yuqori darajada ishtirokini taʼminlash topshirigʻini berdi.