Түркменстан Қытай халықаралық импорт көрмесінде ұлттық павильонмен қатысады

Түркменстан Қытайдың Шаңхай қаласында қарашада өтетін Қытай халықаралық импорт көрмесіне (CIIE) ұлттық павильонмен қатысады. Бұл бағытта атқарылып жатқан жұмыс туралы вице-премьер Нокергулы Атагулыев сенбіде цифрлық форматта өткен Министрлер Кабинетінің отырысында баяндады. Бұл туралы Түркменстанның ресми БАҚ хабарлады.

Баяндамаға сәйкес, ұлттық павильонда елде өндіріліп, экспортқа арналған тауарлардың кең ассортименті, сауда-экономикалық және инвестициялық ынтымақтастық мүмкіндіктері, сондай-ақ түрікмен халқының ұлттық-мәдени мұрасы көрсетіледі. Көрме аясында түрікмен-қытай бизнес-форумын өткізу жоспарланған; бұл ұсыныс мемлекет басшысының қарауына берілді.

Баяндаманы тыңдаған Түркменстан Президенті Сердар Бердімұхамедов халықаралық көрмелерге қатысудың ұлттық өнімдерді шетелдік нарықтарда таныстырудағы маңыздылығын атап өтті. Ол вице-премьерге Түркменстанның Қытай халықаралық импорт көрмесіне жоғары деңгейде қатысуын қамтамасыз ету тапсырмасын берді.