Qirgʻiziston tashqi ishlar vaziri Boeing bilan samolyot yetkazib berishni, Mirziyoyev bilan temir yoʻlni muhokama qildi

Qirgʻiziston Tashqi ishlar vaziri Jeenbek Kulubayev 19 oktyabrda Samarqandda Oʻzbekiston Prezidenti Shavkat Mirziyoyev va Boeing korporatsiyasining vitse-prezidenti Mayk Shnabel bilan uchrashdi. Qirgʻiziston Tashqi ishlar vazirligi xabar berishicha, uchrashuvlar Markaziy Osiyo — AQSh C5+1 vazirlar uchrashuvi doirasida boʻlib oʻtdi.

Boeing bilan uchrashuvda Qirgʻiziston aviakompaniyalari uchun mumkin boʻlgan Amerika samolyotlarini yetkazib berish masalasi koʻrib chiqildi. Tijorat takliflari hamda AQSh Eksport-import banki ishtirokidagi moliyalashtirish shartlari muhokama qilindi. Shuningdek, samolyotlarga texnik xizmat koʻrsatish va aviatsiya infratuzilmasini rivojlantirish masalalariga eʼtibor qaratildi.

Mirziyoyev bilan uchrashuvda Oʻzbekiston rahbarining 2026-yil 30-iyulda Qirgʻistonga davlat tashrifi doirasida erishilgan kelishuvlar ijrosi muhokama qilindi. Xitoy–Qirgʻiziston–Oʻzbekiston temir yoʻli, Oʻzbek–Qirgʻiz taraqqiyot jamgʻarmasi faoliyati va mintaqalarning birinchi forumiga tayyorgarlik koʻrildi. Tomonlar savdo-iqtisodiy aloqalarni rivojlantirish va qoʻshma investitsiya loyihalariga qiziqishini tasdiqladi.