Oʻzbekiston – AQSh: suvni tejaydigan texnologiyalarni joriy etish sohasida hamkorlik

Samarqandda AQSh Davlat kotibi Marko Rubio boshchiligidagi delegatsiyaning Oʻzbekistonga tashrifi doirasida turli sohalarda ikki tomonlama hamkorlikka bagʻishlangan muhim uchrashuvlar oʻtkazilmoqda.

Oʻzbekiston Respublikasi Qishloq xoʻjaligi vazirining maslahatchisi Nuriddin Qoʻshnazarov Valmont Industries kompaniyasining MDH va Turkiya mamlakatlari boʻyicha tijorat direktori Sergey Stefanov hamda kompaniya vakili Saidibrohim Eshxoʻjayev bilan uchrashdi. Suhbatda sugʻorishni mexanizatsiyalash, suvni tejaydigan texnologiyalarni joriy etish va suv resurslaridan oqilona foydalanish masalalari muhokama qilindi.

Shuningdek, Oʻzbekiston viloyatlarida mexanizatsiyalashgan sugʻorish tizimlarini kengaytirish, mavjud infratuzilmani modernizatsiya qilish va qoʻshma loyihalarni amalga oshirish istiqbollari koʻrib chiqildi. Uchrashuv qishloq xoʻjaligiga ilgʻor texnologiyalarni joriy etish, sugʻorish tizimlari samaradorligini oshirish hamda Oʻzbekiston va AQSh biznes doiralari oʻrtasidagi amaliy hamkorlikni rivojlantirishda muhim qadam boʻldi.