Ashxobodda “Ona tabiat” xalqaro sanʼat koʻrgazmasi ochildi

Ashxobodda “Ona tabiat” xalqaro sanʼat koʻrgazmasining ochilish marosimi boʻlib oʻtdi. Marosimda Gurbanguli Berdimuhamedov nomidagi vasiylikka muhtoj bolalarga yordam xayriya jamgʻarmasining davolash faoliyati boʻyicha vitse-prezidenti Oguljahon Atayeva, Heydar Aliyev jamgʻarmasi vitse-prezidenti Leyla Aliyeva va Oʻzbekiston Prezidenti Maʼmuriyati rahbari Saida Mirziyoyeva ishtirok etdi.

Leyla Aliyeva bir kun oldin, 19-oktabrda mamlakatga kelgan edi. Saida Mirziyoyeva bugun Ashxobodga yetib keldi va aeroportda uni Atayeva kutib oldi. Uch tomonlama uchrashuv “Oguzkent” mehmonxonasida boʻlib oʻtdi. Atayeva Milliy oʻrmon dasturi doirasida har yili kuz va bahorda ommaviy daraxt ekish kampaniyalari oʻtkazilishini hamda millionlab koʻchat ekilganini taʼkidladi.

Leyla Aliyeva Turkmanistonning ekologiya sohasidagi ishlarini va yosh avlodda tabiatga muhabbat tarbiyalashdagi tajribasini yuqori baholadi. Saida Mirziyoyeva esa ikki davlat oʻrtasidagi madaniy-gumanitar aloqalar yangi bosqichga koʻtarilganini qayd etdi.