Transport-logistika markazlari va quruqlik portlari tarmogʻi kengaytiriladi

2026-yil 12-oktabrda “Transport-logistika tizimini rivojlantirishga doir qoʻshimcha chora-tadbirlar toʻgʻrisida”gi Prezident qarori qabul qilindi. Qarorda 2026–2030-yillarda tizimni rivojlantirishning asosiy maqsadli koʻrsatkichlari belgilandi: transport-logistika markazlarining yillik quvvati kamida 40 mln tonnaga yetkaziladi, transport va logistika xizmatlari eksporti 3,5 mlrd AQSh dollariga, transit yuk tashish hajmi esa 18,5 mln tonnaga yetkaziladi.

Xalqaro quruqlik portlari soni hozirgi 24 tadan 30 taga yetkaziladi. Andijon viloyatining Xonobod shahri, Buxoro viloyatining Olot tumani, Surxondaryo viloyatining Termiz tumani hamda Toshkent viloyatining Yangiyoʻl va Oʻhangaron tumanlari transport-logistika sohasiga ixtisoslashtiriladi. Markazlarda TOS va WMS tizimlari joriy etilib, 2030-yil oxirigacha Transport vazirligining “E-logistika” platformasiga ulanadi.

2040-yilgacha transport-logistika markazlari yer soligʻi va mol-mulk soligʻidan toʻliq ozod qilinadi. Reyestrga kiritilgan markazlar uchun ishlab chiqarilmaydigan omborxona uskunalari, yuk ortish-tushirish texnikasi, agregatlar va ehtiyot qismlar 2029-yil 1-avgustgacha bojxona boji va majburiy sertifikatlashdan ozod etiladi.