Mirzoyan Ozarbayjonning shartlari haqida gapirdi

Armaniston tashqi ishlar va tashqi savdo vaziri Ararat Mirzoyan Ozarbayjon Armaniston Konstitutsiyasini oʻzgartirishni talab qilmasligini, biroq uni tinchlik bitimini imzolash uchun birlamchi shart sifatida ilgari surayotganini aytdi. Modern.az xabar berishicha, Mirzoyan bu fikrini parlamentning Tashqi aloqalar qoʻmitasi majlisida bildirgan.

Mirzoyanning soʻzlariga koʻra, Ozarbayjon Armanistonga konstitutsiyani oʻzgartirish talabini qoʻymayapti. U faqat irodasini namoyon etganini, hujjatni parafladigani va majburiyat olganini, ammo Armaniston asosiy qonunini oʻzgartirmagunicha uni imzolamasligini ochiq bildirmoqda.

Vazirning fikricha, "talab" va "birlamchi shart" tushunchalarini bir-biridan farqlash zarur. Xabarda, Armaniston Bosh vaziri Nikol Pashinyan sentyabr oyida Ozarbayjon bilan Armaniston konstitutsiyasini oʻzgartirish masalasi muhokama qilinmaganini aytgani ham eslatilgan.