Tatariston soliq va soliqdan tashqari daromadlar boʻyicha Rossiyada toʻrtinchi oʻrinda

Tatariston konsolidatsiyalangan byudjetiga yanvar–sentyabr oylarida soliq va soliqdan tashqari daromadlar boʻyicha 487 milliard rubl tushdi. Shundan 409 milliard rubl respublika byudjetiga, 78 milliard rubl mahalliy byudjetlarga yoʻnaltirildi. Bu haqda Tatariston moliya vaziri Marat Fayzrahmanov respublika moliya, gʻaznachilik va soliq organlarining yigʻilishida maʼlum qildi.

Fayzrahmanovning soʻzlariga koʻra, Tatariston yigʻilgan soliq va soliqdan tashqari daromadlar hajmi boʻyicha Rossiya subʼyektlari orasida toʻrtinchi oʻrinda, Volga federal okrugida esa yetakchi. Konsolidatsiyalangan byudjet xarajatlari 496,2 milliard rublni, respublika byudjeti xarajatlari 411,3 milliard rublni tashkil etdi. Vazir byudjet qoldiqlari va toʻqqiz oylik daromadlar oshirilgan ish haqini toʻliq va oʻz vaqtida toʻlash imkonini berganini taʼkidladi.

Bu yil uchun federal byudjetdan ajratilgan 97,9 milliard rubldan toʻqqiz oyda 82,5 milliard rubli (84%) oʻzlashtirilgan. Yil oxirigacha 15,4 milliard rubl xarajat qilinishi kerak. Milliy loyihalarni moliyalashtirish 54,7 milliard rublni tashkil etadi, shundan 29,1 milliard rubli federal byudjet hisobidan. Toʻqqiz oyda 40,8 milliard rubl oʻzlashtirildi.