Tatarıstan vergi və vergi xaricində gəlirlərə görə Rusiyada dördüncü yerdədir

Tatarıstanın konsolidasiya olunmuş büdcəsinə yanvar-sentyabr aylarında 487 milyard rubl vergi və vergi xaricindəki gəlir daxil olub. Bunun 409 milyard rublu respublika büdcəsinə, 78 milyard rublu yerli büdcələrə yönəldilib. Bunu Tatarıstan Maliyyə naziri Marat Fayzrəhmanov respublika maliyyə, xəzinədarlıq və vergi orqanlarının müşavirəsində bildirib.

Fayzrəhmanovun sözlərinə görə, Tatarıstan toplanmış vergi və vergi xaricindəki gəlirlərin həcminə görə Rusiya subyektləri arasında dördüncü yerdədir və Privolqa federal dairəsində liderdir. Konsolidasiya olunmuş büdcənin xərcləri 496,2 milyard rubl, respublika büdcəsinin xərcləri 411,3 milyard rubl təşkil edib. Nazir bildirib ki, büdcə qalıqları və doqquz ayın gəlirləri artırılmış əmək haqqının tam və vaxtında ödənilməsinə imkan verib.

Bu il federal büdcədən ayrılan 97,9 milyard rubldan doqquz ayda 82,5 milyard rubl (84%) mənimsənilib. İl sonuna qədər 15,4 milyard rubl xərclənməlidir. Milli layihələrin maliyyələşdirilməsi 54,7 milyard rubl təşkil edir, o cümlədən 29,1 milyard rubl federal büdcə hesabınadır. Doqquz ayda 40,8 milyard rubl mənimsənilib.