Qozogʻiston rahbari Toqayev: mamlakat qiyin sinovlarni munosib yengdi

Qozogʻiston Prezidenti Qosim-Jomart Toqayev Respublika kuni munosabati bilan oʻtkazilgan tantanali tadbirda nutq soʻzladi. Tengrinews Akorda matbuot xizmatiga tayanib xabar berganidek, Toqayev xalqning kelajakka ishonch va optimizm bilan qarashini taʼkidladi. U hamjihatlik va barqarorlik tufayli mamlakat qiyin sinovlarni munosib tarzda oʻtganini aytdi. Mamlakat farovonligini oshirgani va hayot ufqlari kengaygani qayd etildi.

Toqayev xalq ovoz berishi orqali qabul qilingan Yangi Konstitutsiya mamlakat qonunchiligining poydevor toshi ekanini urgʻuladi. U har bir tamoyil va moddaning davlat manfaatlariga xizmat qilishi kerakligini bildirdi. Suverenitet, hududiy yaxlitlik hamda fuqarolarning huquq va erkinliklari oliy qadriyatlar sifatida tan olingani aytildi. Qonun va tartib, milliy birdamlik asosiy tamoyillar sifatida belgilangan. Fan, taʼlim, innovatsiyalar va yuqori texnologiyalar esa davlatning strategik yoʻnalishi deb topilgan.

Toqayev, shuningdek, Qozogʻistonda milliy moliya tizimi shakllantirilganini eslatib oʻtdi.