Qazaxıstan lideri Tokayev: ölkə çətin sınaqları ləyaqətlə keçdi

Qazaxıstan Prezidenti Kasım-Comart Tokayev Respublika Gününə həsr olunmuş təntənəli tədbirdə çıxış etdi. Tengrinews-in Akorda mətbuat xidmətinə istinadən verdiyi məlumata görə, Tokayev xalqın gələcəyə əminliklə və optimizmlə baxdığını bildirib. O, həmrəylik və sabitlik sayəsində ölkənin çətin sınaqlarını ləyaqətlə keçdiyini deyib. Ölkənin rifahını artırdıqlarını və həyat üfüqlərinin genişləndiyini qeyd edib.

Tokayev xalq səsverməsi ilə qəbul olunmuş Yeni Konstitusiyanın ölkənin qanunvericiliyinin təməl daşı olduğunu vurğulayıb. O bildirib ki, Konstitusiyanın hər prinsipi və maddəsi dövlətin maraqlarına xidmət etməlidir. Suverenlik, ərazi bütövlüyü və vətəndaşların hüquq və azadlıqları ali dəyərlər kimi tanınıb. Qanun və nizam, ümummilli birlik sarsılmaz prinsiplər kimi müəyyənləşdirilib. Elm, təhsil, innovasiya və yüksək texnologiyalar isə dövlətin strateji istiqaməti sayılıb.

Tokayev həmçinin Qazaxıstanda milli maliyyə sisteminin formalaşdırıldığını xatırladıb.