Adolat eng oliy maʼnaviy qadriyat — Tokayev

Qozogʻiston Prezidenti Qosim-Jomart Tokayev Respublika kuni munosabati bilan oʻtkazilgan tantanali tadbirda nutq soʻzladi. Qazinform axborot agentligi bu haqda Oqorda matbuot xizmatiga tayanib xabar berdi. Tokayev qozogʻistonliklarni milliy bayram bilan tabrikladi.

Tokayevning soʻzlariga koʻra, “Birgalikdagi saʼy-harakatlarimiz bilan biz Adolatli Qozogʻistonni bunyod etmoqdamiz va jamiyatimizda adolat tamoyilini qaror toptirmoqdamiz”. U adolatni eng oliy maʼnaviy qadriyat deb hisoblaydi. Yangi siyosiy partiya nomi Adilet (Adolat) deb atalgan.

Prezident tarixiy jarayonlarga adolat nuqtayi nazaridan qarash va ularga xolis baho berish zarurligini taʼkidladi. U Suveren Qozogʻistonning tashkil topishiga, ekstremal qiyin iqtisodiy sharoitda rivojlanishiga katta hissa qoʻshgan Birinchi Prezident Nursultan Nazarbayevning nomi hech qachon unutilmasligini aytdi. Bu yilgi Respublika kuni tantanalari mustaqillikning 35 yilligi arafasida oʻtkazilmoqda. Tokayevning fikricha, mamlakat xalqaro hamjamiyat tomonidan hurmatga sazovor, dinamik rivojlanayotgan davlat sifatida bu tarixiy bosqichga yaklashmoqda.