Davlat rahbari: yetti yil ichida oʻnlab ming kilometr avtomobil yoʻli va temir yoʻllar qurildi

Qozogʻiston Prezidenti Qosim-Jomart Toqayev Respublika kuniga bagʻishlangan tantanali marosimda mamlakatning transport infratuzilmasi va raqamli texnologiyalar sohasidagi yutuqlari haqida soʻzladi. Egemen.kz xabar berishicha, Toqayev soʻnggi yetti yil ichida oʻnlab ming kilometr avtomobil yoʻli va temir yoʻl qurilgani hamda taʼmirlangani aytdi.

Prezident Yevropa va Osiyo oʻrtasini bogʻlovchi transport, energetika va raqamli tarmoqlarning Qozogʻiston orqali oʻtayotganini taʼkidladi. U masʼuliyatli va izchil tashqi siyosat tufayli mamlakatning xalqaro obroʻsi oshganini, Qozogʻiston pasportining nufuzi yuqori ekanini hamda fuqarolari va biznes vakillari uchun barcha davlatlarning eshiklari ochiq ekanini aytdi.

Raqamli texnologiyalar sohasida Toqayev Astanadagi Alem.ai xalqaro sunʼiy intellekt markazi va Astana Hub texnoparkini eslatib oʻtdi. U IT xizmatlari eksportining 1 milliard dollardan oshganini hamda ikkita superkompyuter ishga tushirilganini maʼlum qildi. Digital Qazaqstan milliy strategiyasi amalga oshirilayotgani ham bildirildi. Shuningdek, Kazakhmys Smelting MChJning Jezqazgʻon mis eritish zavodi balqituvchisi Abdirashit Dospanovga «Qozogʻistonning Mehnat Qahramoni» unvoni berilgani eʼlon qilindi.