Pashinyan Ozarbayjonga teng maydonli hudud almashinuvini taklif qildi

Armaniston Bosh vaziri Nikol Pashinyan Ozarbayjonga anklav va eksklavlar muammosini hal etish uchun teng maydonli hududlar almashinuvini taklif qildi. Xabarni Qozogʻistonning Nur.kz nashri RBK maʼlumotiga tayanib yetkazdi.

Pashinyanning soʻzlariga koʻra, chegarani delimitatsiya va demarkatsiya qilish Olma-Ota deklaratsiyasi asosida amalga oshirilishi kerak, Armaniston maydoni esa 29 743 kv. km boʻlishi lozim. TASS keltirgan iqtibosga koʻra, Pashinyan chegaraning ikki tomonida ham anklav va eksklav qolmaydigan formula boʻyicha muammoni hal etish zarurligini aytdi hamda ikki davlat aniq oʻlchamdagi hududlarni almashishi kerakligini taʼkidladi.

Premyer Armaniston va Ozarbayjon bir-biriga hech qanday daʼvo qilmasligi kerakligini, jumladan “Qorabogʻ”, “Gardman”, “Shirvon”, “Naxchivon” yoki “Gʻarbiy Ozarbayjon” mantigʻi boʻyicha ham, taʼkidladi. U, shuningdek, “Tinchlik chorrahasi” loyihasi doirasida va undan tashqarida barcha kommunikatsiyalar blokdan chiqarilishi hamda barcha yoʻllar Armaniston va Ozarbayjon orqali oʻtishga ochiq boʻlishi kerakligini qayd etdi.