Oʻzbekistonda inflyatsiya kutilmalari sentyabrda 8,7%ga tushdi

Oʻzbekiston Markaziy banki maʼlumotiga koʻra, aholining keyingi 12 oy uchun inflyatsiya kutilmalari 2026-yil sentyabr oyida 9,8%dan 8,7%ga tushgan. Tadbirkorlarning kutilmalari esa avgustdagi 9,6%dan 9,2%ga pasaygan.

Oylik soʻrovda 2 726 nafar aholi va 1 043 ta tadbirkorlik subʼekti ishtirok etdi. Oʻrtacha tortilgan koʻrsatkichlar bilan birga medianalar ham eʼlon qilindi: aholining median kutilmasi 8% darajasida qolgan, tadbirkorlarniki esa 8%dan 9%ga oshgan. Sentyabrda sezilgan inflyatsiya ham avgustdagi 10,1%dan 9,2%ga kamaygan.

Aholi orasida eng yuqori inflyatsiya kutilmasi 12,4% bilan pensionerlarda qayd etilgan. Eng past kutilmalar savdo xodimlarida (7,8%) va talabalarda (7,9%) kuzatilgan. Hududlar kesimida kutilmalar Toshkentda 11,6% bilan eng yuqori, Xorazm (6,8%) va Namangan (7,1%) viloyatlarida esa eng past boʻlgan. Aholi narx oshishining asosiy sabablari sifatida yoqilgʻi va energiya (50%) hamda kommunal xizmatlar (38%) qimmatlashuvini koʻrsatgan.