İstanbulda güclü sel: iki nəfər həlak olub

Çərşənbə günü, oktyabrın 14-də İstanbula yerli KİV-lərə görə 1985-ci ildən bəri ən güclü yağışlardan biri düşüb. Avropa yaxasındakı Eyüpsultanda 195,9 mm, Sarıyerdə 195,6 mm yağıntı qeydə alınıb. Digər rayonlarda isə 35-110 mm arasında yağış olub.

İstanbul qubernatorluğunun açıqlamasına görə, şəhərdə 1277 su basma hadisəsi və 15 torpaq sürüşməsi baş verib. Həmçinin 47 nəfərin blokada altında qaldığı, 13 ağacın aşdığı və iki damın uçduğu bildirilib. Zədələnən avtomobil, yaşayış binası və iş yerlərinin sayı da açıqlanıb: 76 avtomobil, 808 yaşayış evi və 280 iş yeri.

Sarıyerin Ayazağa ərazisində 34 yaşlı bir kişi su axınından keçərkən sürüşüb, başı səkiyə dəyib və xəstəxanada həlak olub. Fatih rayonunun Çukurbostan parkında isə 14 yaşlı uşaq su gölməçəsinə basdıqdan sonra elektrik vurulub və öldü. Hər iki hadisə üzrə təhqiqat başlanılıb. Qubernatorluq 15 oktyabrda İstanbul, Kocaeli, Sakarya, Yalova, Düzce və Zonquldakda təhsil müəssisələrində bir gün dərslərin dayandırıldığını elan edib.