Nurlıbek Asılbekov Qazaxıstanda səhiyyə nazirinin müavini təyin edildi

Qazaxıstan hökumətinin qərarı ilə Nurlıbek Asılbekov səhiyyə nazirinin müavini təyin edilib. Bu barədə nazirlər kabinetinin mətbuat xidməti məlumat verib, xəbəri Tengrinews.kz yayıb. Asılbekov 1966-cı ildə Cənubi Qazaxıstan vilayətində anadan olub.

O, əmək fəaliyyətinə 1990-cı ildə Farmasiya RPP-də provizor-texnoloq kimi başlayıb. 1991-2000-ci illərdə Şımkent və Cənubi Qazaxıstanda Farmasiya sistemində rəhbər vəzifələrdə çalışıb. 2002-2012-ci illərdə Səhiyyə Nazirliyinin Farmasevtik nəzarət komitəsinin bir neçə region və şəhərdəki idarə və departamentlərinə rəhbərlik edib. 2022-2025-ci illərdə Şımkent səhiyyə idarəsinə rəhbərlik edib, 2025-ci ildən isə SK-Farmasiya MMC-nin idarə heyətinə rəhbərlik edib.

Asılbekov dünən hökumət iclasında ölkənin dərman təminatı barədə məruzə edib. Baş nazir Olcas Bektenov ondan vəsaitləri dürüst xərcləməsini və korrupsiyaya yol verməməsini tələb edib. Eyni gün Qazaxıstanda Əmək və Sosial Müdafiə Nazirliyinin müavini vəzifəsinə Ainur Abdırahmanova təyin olunub.