Bolqarıstanda həmkarlar ittifaqı minimum əmək haqqı təklifinə etiraz edəcək

Bolqarıstanın ən böyük həmkarlar ittifaqı olan KNSB - Müstəqil Həmkarlar İttifaqları Konfederasiyası hökumətin gələn il üçün təklif etdiyi 660 avroluq minimum əmək haqqına etiraz məqsədilə 16 oktyabr, saat 12:00-da Parlament binası qarşısında avtomobil yürüşü təşkil edəcək.

KNSB sədri Plamen Dimitrov maliyyə naziri Qalab Donevlə görüşdə ittifaqın 2027-ci il üçün minimum əmək haqqının 690 avro olmasını təklif etdiyini bildirib. Bu məbləğ Əmək Məcəlləsində əvvəllər nəzərdə tutulmuş mexanizmə əsasən hesablanmış məbləğə uyğun gəlir.

KNSB həmçinin dövlət sektorunda əmək haqqının 5, təhsil işçilərinin maaşlarının isə 7,5 faiz artırılması planını təsdiqləmədiyini bildirib. Dimitrov mövcud inflyasiya şəraitində bu artımın işçilər tərəfindən müsbət qarşılanmasının mümkün olmadığını qeyd edib və dövlət sektorunda maaşların 10 faiz artırılmasını tələb edəcəklərini deyib. Hökumətin təklifi müxalifətin də tənqidinə səbəb olub. Baş nazir Rumen Radev isə büdcə ilə bağlı son qiymətləndirmələrin davam etdiyini və hələlik yekun qərar qəbul edilmədiyini açıqlayıb.