Anar Əliyev: 2027-ci il dövlət büdcəsi layihəsində əhaliyə ödənişlərə 5 milyard 503 milyon manat

Azərbaycanda “Dövlət sosial müdafiə fondu” və “İşsizlikdən sığorta fondu”nun 2027-ci il üçün büdcə layihələri “Büdcə sistemi haqqında” Qanuna və digər əlaqədar qanunvericilik aktlarına uyğun olaraq hazırlanıb. Bu barədə əmək və əhalinin sosial müdafiəsi naziri Anar Əliyev Milli Məclisin dörd komitəsinin birgə iclasında məlumat verib.

Nazirin sözlərinə görə, 2027-ci il dövlət büdcəsi layihəsində nazirliyin fəaliyyət istiqamətləri üzrə əhaliyə ödənişlərin, tibbi sığorta xərclərinin və haqqı ödənilən ictimai işlərin maliyyələşdirilməsi üçün 5 milyard 503 milyon manat vəsait ayrılması nəzərdə tutulur. Xəbər AZƏRTAC-a istinadən verilir.